Thiratti.com

இந்த வார நட்சத்திரம் அன்புடன் அருணா

2009-08-25T01:41:00.000-07:00

தமிழநாட்டில் பிறநது வளர்ந்து ஜெய்ப்பூரில்
சிறகடிக்கும் ஒரு தமிழ்ப் பறவை...!மழை, நிலவு, கடல், மேகம், அலை, பாட்டு,
புத்தகங்கள், நட்சத்திரம் என்று ஒரு கனவுலகில் வாழப் பிடிக்கும்.

வாசிப்பதில் தீவரவாதி ....கையில் கிடைக்கும்
எந்தக் காகிதத்தையும் விட்டுவைப்பதில்லை...படிக்கும் போது நிறைய
பத்திரிக்கைகளுக்கு எழுதியனுப்பிப் பிரசுரத்துக்காகக் காத்திருந்து
ஏமாந்த அனுபவம் நிறைய உண்டு.................வலைப்பூ

வில் அநதப்
பிரச்சினையே இல்லை! பிரசுரிக்கும் உரிமை என் கையில்...அதனாலேயே
எனக்குமிகவும் பிடித்தமானது வலைப்பூ.............

எனக்கே என்னுடனான சரியான அறிமுகம்
வலைப்பூவில் எழுத ஆரம்பித்த போதுதான் நிகழ்ந்தது. என்னைப் பாதித்தவைகளை
மட்டுமே நான் எழுதுகிறேன்...ஆனால் என் அனுபவங்களால் மட்டுமே நான்
பாதிக்கப் படுவதில்லை.....ஒரு பள்ளியின் முதல்வராக இருந்துகொண்டு
ஆசிரியராகவும் என்னால் முடிந்த அளவு குழந்தைகளிடம் பொறுப்புணர்ச்சியைத்
தூண்ட முயன்று வருகிறேன்......முயற்சி ...உழைப்பு...அன்பு இவையிருந்தால்
உலகம் காலடியில்னு நம்புபவள்.....

என் வலைதள முகவரி.:

http://naanirakkappokiraen-aruna.blogspot.com/

இந்த வார நட்சத்திரம் ‘வினையூக்கி' செல்வா

2009-07-31T02:57:00.000-07:00

சிந்தனையாளனாகவும் எழுத்தாளனாகவும் உருவாக்கிக்கொள்ள எடுக்கும் முயற்சிகள் தாம் வலைப்பூக்களில் எழுதி வருபவை. 2005 ஆம் ஆண்டில் இருந்து எழுதி வந்தாலும் எழுத்துத்திறமை மேலும் பளிச்சிட இன்னும் அதிக முயற்சி எடுக்கவேண்டும் என்ற உத்வேகத்தை தூண்டி விடும் விதமாக இந்தத் திரட்டித் தளத்தின் நட்சத்திர வாய்ப்பு அமைவது மிக்க மகிழ்ச்சியாக இருக்கின்றது.

மனதில் உருவாகும் பயங்களையும் உறவுகளின் பிரிவுகளினால் வரும் வலிகளையும் வேதனைகளையும் முறையே திகில் கதைகளாகவும் காதல் கதைகளாகவும் மாற்ற அவ்வப்போது முயற்சி செய்வது உண்டு. அப்படி இப்படி என இந்த நான்கு வருடங்களில் கிட்டத்தட்ட 120 கதைகள் எழுதி ஆகிவிட்டன. கிரிக்கெட் ஆட்டம் பெண்ணாக இருந்திருந்தால் , அவளைக் காதலித்து திருமணம் செய்திருப்பேன். கிரிக்கெட்ட்டைப் பற்றி சிலப் பதிவுகள் உண்டு. கடவுள் மறுப்பு எனச் சொல்லமுடியாது, ஆனால் கடவுள் நம்பிக்கை வாழ்வீல் அவசியம் இல்லாத ஒன்று என நம்பும் மனிதர்களுள் நானும் ஒருவன். பெரியாரைச் சிறுக சிறுக மனதினுள் வரித்துக்கொள்ள முயன்றுக் கொண்டிருக்கின்றேன். தமிழன் இல்லாத நாடில்லை, தமிழனுக்கென்று நாடில்லை என்றக் கூற்று என் காலத்திலாவது உடைபடுமா என ஏங்கும் கோடிக்கணக்கான தமிழர்களுள் ஒருவன்.

ஒருங்கிணைந்த தஞ்சை மாவட்டத்தில் பிறந்து, காவிரிக்கரை திருச்சியில் பள்ளி பயின்று, மதுரையில் பொறியியற் பயின்று சென்னையில் சிலப் பல வருடங்கள் பணி செய்து தற்பொழுது சுவீடனில் மேற்படிப்புப் படித்துக் கொண்டிருக்கும் நான் இந்த நட்சத்திர வாய்ப்பில், ஆரம்ப காலத்தில் ஊக்குவித்த ஆதரித்த தலையில் குட்டியப் பதிவர்கள் குறிப்பாக முத்து தமிழினி, பாலபாரதி,குழலி, டிபிஆர் ஜோசஃப், பொன்ஸ், மா.சிவக்குமார், தமிழோவியம் கணேஷ் சந்திரா, பாஸ்டன் பாலா, சிவஞானம்ஜி, ஆசிப் மீரான் வலைப்பதிவின் தொழில்நுட்ப ஐயங்கள் வரும்பொழுதெல்லாம் உடனுக்குடன் பதில் அளிக்கும் எ-கலப்பை முகுந்த், ரவிஷங்கர், திகில் கதைகள் எழுதும்போதெல்லாம் “ஆவி அனானிகளாக” வலம் வந்து ‘ஆட்டுவித்த ‘நாமக்கல் சிபி', நல்ல கதை என்றால் பின்னூட்டத்துடன் ஆஜராகும் இலவசக்கொத்தனார், ஜிரா, லக்கிலுக், துர்கா, திவ்யா , டிபிசிடி, செந்தழல்ரவி,பைத்தியக்காரன், உண்மைத்தமிழன் என நேரிடையாகவோ மறைமுகமாகவோ என் கதை சொல்லும் திறனை மேன்மைப்படுத்தும் அனைவருக்கும் எனது நன்றிகளைச் சொல்லக் கடமைப் பட்டுள்ளேன்.

பன்புடம்

‘வினையூக்கி' செல்வா

இந்த வார நட்சத்திரம் தமிழநம்பி

2009-07-24T00:14:00.000-07:00

என்னைப்பற்றிய அறிமுகக்குறிப்பு:

தொழில்நுட்பம் படித்துத் தொலைத்தொடர்புத் துறையில் பணியாற்றியவன். தமிழில் முதுகலை தேறியவன். இதழியல் மக்கள் தொடர்பியல் படித்தவன்.

தனித்தமிழ் இலக்கியத் திங்களிதழ் 'தென்மொழி'யின்' ஆசிரியர்
பாவலரேறு பெருஞ்சித்திரனார் தந்த ஊக்கத்தால் முதலில் அறிவியல் கட்டுரைகள் எழுதினேன். அக்கட்டுரைகள் தென்மொழி இதழில் வந்தன.

முனைவர் ஆபிரகாம் கோவூர் எழுதிய நூலின் பகுதிகளை மொழியாக்கம் செய்தவன். அவை புதுச்சேரியில் முன்னர் வெளிவந்த "மதி" இதழிலும் "திண்ண", "கீற்று" ஆகிய மின்னிதழ்களிலும் வந்தன.

helicopter - ஐத் "திருகிறக்கை ஊர்தி" என்று பெயர்த்து எழுதியதற்காகத் தேவநேயப்பாவாணர் ஐயா அவர்களால் பாராட்டப்பெற்று மகிழ்ந்தவன்.

தஞ்சைத் தமிழ்ப் பல்கலைக் கழகம் வெளியிட்ட "அருங்கலைச் சொல் அகராதி" (Dictionary of technical terms)ப் பணியில் துணையிருந்த முகன்மையானவர்களுள் ஒருவன்.

தென்மொழி, தெளிதமிழ், நற்றமிழ் இதழ்கள் தந்த ஊக்கத்தால் மரபு பாடல்கள் எழுதுகிறவன். தனித்தமிழ் தொடர்பான கட்டுரைகளும் தனித்தமிழ் எதிர்ப்பாளர் கருத்துகளுக்கு தக்க மறுமொழி கூறும் கட்டுரைகளும் நூல் ஆய்வும் பிறவும் "திண்ணை"யில் எழுதியிருக்கின்றேன்.

நற்றமிழ் இதழின் உறுப்பாசிரியப் பொறுப்பில் இயன்றவரை பணியாற்றுகிறேன்.

தமிழ் வலைப்பதிவு பற்றிப் புதுவையில் நடந்த பயிலரங்கில் பயின்றவன்.

விழுப்புரத்தில் அதைப்போன்ற பயிலரங்கை நண்பர்களின் உதவியோடு நடத்தியவன். நவம்பர் 2007 இல் (http://thamizhanambi.blogspot.com) என்ற வலைப்பதிவு தொடங்கி தொடர்ந்து எழுதி வருகிறேன். அறுபதுக்கு மேற்பட்ட பதிவுகள் தந்திருக்கிறேன்.

தமிழ் தமிழர் நலன் குறிப்பாக ஈழத்தமிழர் நலன்காக்க எழுதியவற்றை என் வலைப்பதிவில் காணமுடியும்.

அயலகத் தமிழறிஞர்கள்,இணையம் கற்போம் என்ற இருநூல்கள் விரைவில் வெளிவர உள்ளன.

2009-07-24T00:08:00.000-07:00

முனைவர் மு. இளங்கோவன் அவர்கள் எழுதித் தமிழ் ஓசை நாளிதழில் தொடராக வெளிவந்த அயலகத் தமிழறிஞர்கள் தொடர் தனிநூலாக வெளிவர உள்ளது.இதில் தமிழுக்கு உழைத்த அயலகத் தமிழறிஞர்கள் முப்பதுபேரின் வாழ்க்கை,இலக்கியப் பங்களிப்பு பதிவாகியுள்ளன.தமிழர்களின் இல்லந்தோறும் இருக்கவேண்டிய நல்ல நூல்.

பக்கம் : 200
விலை 200 உருவா

முனைவர் மு. இளங்கோவன் அவர்கள் பல்வேறு சமயங்களில் எழுதிய தமிழ் இணையம் சார்ந்த பதினைந்து கட்டுரைகள் தொகுக்கப்பட்டு இணையம் கற்போம் என்ற பெயரில் நூலாக வெளிவர உள்ளது.

பக்கம்: 112
விலை:100 உருவா

இரண்டு நூல்களும் ஆகத்து முதல் கிழமையில் கிடைக்கும்.

தொடர்புக்கு:
முனைவர் மு.இளங்கோவன்
செல்பேசி+ 91 9442029053
muelangovan@gmail.com

இசாக்,சென்னை
செல்பேசி + 91 9786218777
tamilalai@gmail.com

"சங்கரதாஸ் சுவாமிகள் நாடகத் திரட்டு" நூல் (1250 பக்கங்கள்): வல்லினம் வெளியீடு

2009-07-22T22:07:00.000-07:00

சங்கரதாஸ் சுவாமிகள் நாடகத் திரட்டு
பக்கங்கள் - 1250
விலை: ரூ. 700/-

வெளியீடு
வல்லினம்,
எண். 9, செந்தமிழர் வீதி,
நைனார்மண்டபம்,
புதுச்சேரி - 605 004.
தொலைபெசி: 0413-2354115.
மின்னஞ்சல்: vallinam@sifi.com.

மேலதிக தகவலுக்கு

இந்த வார நட்சத்திரம் : தருண்பாலாஜி - வாழ்க வளமுடன் Jul 20 to Jul 26

2009-07-19T10:21:00.000-07:00

பெயர்
தருண்பாலாஜி - வாழ்க வளமுடன்

அறிமுகம் 2 வருஷமா பதிவுங்கள படிச்சாலும் எப்ப நம்ம பிளாக் ஆரம்பிக்கரது அப்பிடின்னு
என்னமே வந்ததில்ல, ஏதோ என்னோட டைரிமாதிரி பிளாகை பாக்க எனக்கு தோனல, அதுதான் நான் கொண்ட தொழிலையே வலைப்பதிவுல கொட்டி தீத்துடலாமுன்னு எழுத ஆரம்பிச்சேன். நமக்குதான் எதையும் ஒழுங்கா எழுத வராதே அப்புறம் எப்பிடின்னு தோனுச்சி எழுதிபழக அதை சுட்டிக்காட்ட ஒரு சிறந்த இடமா இருக்கறது இந்த பிளாக் உலகம் தான். வினையூக்கி கூட தன்னை எழுத்தாளனா மாற்றிக்க ஒரு முயற்சின்னு தான் சொல்லறாரு அதனால என்னுடைய எல்லா பிழைகளையும் பொறுத்தருள வேண்டாம் சுட்டிக்காட்டுங்க நானும் கத்துக்க ஆசையாயிருக்கேன். என்னால முடிஞ்ச தெரிஞ்ச சில நாட்டு வீட்டு மருத்துவ குணம் கொண்ட உணவுகளை உங்களுக்கு அறிமுகப்படுத்தறேன்.

மேலும் குறுகிய காலத்தில் எனக்கு நட்சத்திர அந்தஸ்து கொடுத்த திரட்டி.காம். க்கு எனது நன்றிகள்.

எனது வலைப்பக்க முகவரி: http://tharunbalaji.blogspot.com

பேராசிரியர் அ.மார்க்ஸ் எழுதியுள்ள “காஷ்மீர்: என்ன நடக்கிறது அங்கே?”

2009-07-14T02:43:00.000-07:00

மக்கள் உரிமைக் கூட்டமைப்பு, புதுச்சேரி. | அ.மார்க்ஸ் எழுதியுள்ள “காஷ்மீர்: என்ன நடக்கிறது அங்கே?” நூல் வெளிவந்துவிட்டது

இந்த வார நட்சத்திரம் க.வேலன் Jul 13 முதல் 19 வரை

2009-07-11T00:52:00.000-07:00

எனது பெயர் க.வேலன். சென்னையை அடுத்த திருக்கழுக்குன்றம் எனது ஊர்.திருக்கழுக்குன்றம் பற்றி சொல்வதென்றால் நண்பகலில் தினம் இரண்டு கழுகுகள் வந்து உணவருந்தி செல்லும்.மற்றும் பன்னிரண்டு ஆண்டுகளுக்கு ஒரு முறை இங்குள்ள குளத்தில் சங்கு பிறக்கும்.மேலும் பன்னிரண்டு ஆண்டுகளுக்கு ஒரு முறை குரு கன்னிராசியில் பிரவேசிக்கும் நேரத்தில் இங்கு லட்சதீபம் நடக்கும். உடல் தானத்தைப் பற்றி விழிப்புணர்வை ஏற்ப்படுத்தி தனது உடலையே தானமாக அளித்த இதயே ந்திரன் இந்த ஊர்தான். +2 முடித்து டிப்ளமா இன் டூல் இன்ஜினியரிங். படித்து முடித்ததும் எனக்கு சென்னையில் வேலை கிடைத்தது. எங்களது பேட்சில் முதலில் வேலைக்கு சென்றது நான்தான். அதுபோல் முதலில் வேலையை விட்டுவந்ததும் நான்தான். எனது தந்தையின் உடல்நிலை சரியில்லாத காரணத்தினால் ஊர் திரும்பி சொந்தமாக தொழில் செய்யத்தொடங்கினேன்.. எனது துணைவியாரின் பெயர் மீரா.எனக்கு ஒரு மகள் ,ஒரு மகன். மகள்-ப்ரியா டிப்ளோமோ இரண்டாம் ஆண்டு படித்து வருகின்றார். மகன்-ராஜராஜன் நான்காம் வகுப்பு படித்து வருகின்றார்.இணையத்தில் வரும் பதிவுகளை பற்றி எனது சகோதரர் திரு.மூர்த்தி அவர்கள் கூறினார். சரி நாமும் இணையத்தில் பதிவிடுவோம் என எண்ணி கடந்த 13.12.2008 -ல் பதிவிட ஆரம்பித்தேன். ஆரம்ப பதிவுகளில் எதைப்பற்றி எழுதுவது என தெரியாமல் பொது விஷயங்களை பதிவிட தொடங்கினேன்.. நான் கணிணி வாங்கிய புதியதில் அடிக்கடி ஏற்படும் ஒரு சின்ன சந்தேகங்களை சரியாக விளக்க ஆள்இல்லை.

நமக்கு ஏற்பட்ட சந்தேகங்கள் புதிதாக கணிணி உபயோகிப்பவர்களுக்கு ஏற்பட கூடாது என்கிற எண்ணத்தில் எனக்கு தெரிந்தவற்றை பதிவிட ஆரம்பித்தேன். அதைப்போல் போட்டோஷாப் பாடமும்.நிறைய பேர்

போட்டோஷாப் வைத்திருந்தாலும் அதை சரியாக உபயோகப்படுத்துவதில்லை.அந்த பாடமும் பதிவிட ஆரம்பித்தேன். அதைப்போல் ஆங்கில பாடமும். எனக்கு கிடைத்த ஆங்கில சிடி பாடத்தை மற்றவர்களும் பயன்படுத்தட்டும் என பதிவிட ஆரம்பித்தேன்.

ஜனவரி 20 ம்தேதியிலிருந்து வருகையாளர்கள் எண்ணிக்கையை போட்டேன். இதுவரை சுமார் 24,000 பேர் வருகை தந்துள்ளனர். சுமார் 160 பேர் பின்தொடர்பவர்கள் இருக்கின்றனர். எனது பதிவின் படைப்புக்களை தமிழ்கம்யுட்டர் இதழில் வெளியிட்டுவருகின்றனர்..பதிவின் மூலம் பதிவர்கள் திரு.ஆனந்தன்,திரு.முத்துக்குமார்,திரு.சங்கர நாராயணன்,திரு.தியாகராசன்,

திரு.ஜெய்காந்த்,திரு.வடிவேலன்,திரு.சூர்யா ஆகிய இனியநண்பர்கள் கிடைத்துள்ளார்கள்.(அனைத்தும் அவர்கள் உண்மைப்பெயரே) எந்த கெட்டபழக்கமும் இல்லாதது எனது கெட்டபழக்கம்.எனது தொழில் செய்வதற்கு என் குடும்பத்தார் உறுதுணையாக இருப்பதால் தினம் எனக்கு கிடைக்கும்ஒய்வுநேரத்தில் பதிவிடுகின்றேன். புதிது புதிதாக பதிவிட வேண்டியிருப்பதால் மற்றவர்களின் பதிவுகளுக்கு என்னால் கருத்துரையிடமுடிவதில்லை.குறுகிய காலத்தில் எனக்கு நட்சத்திர அந்தஸ்து கொடுத்த திரட்டி.காம்.க்கு எனது நன்றிகள்.

எனது வலைப்பக்க முகவரி:--http://velang.blogspot.com/

இந்த வார நட்சத்திரம் இனியவன். Jul 6 முதல் 12 வரை

2009-07-03T04:09:00.000-07:00

என் பெயர் என்.உலகநாதன். நான் லால்குடியைச் சேர்ந்தவன். என்னுடைய கல்வி தகுதி MCOM, AICWA, ACS Final. நான் கடந்த 12 வருடங்களாக மலேசியாவில் ஒரு பன்னாட்டு நிறுவனத்தில் Finance Controller ஆக வேலை பார்த்து வருகிறேன். நான் சிறு வயதிலிருந்தே கவிதை, துணுக்கு,கேள்விகள் என அனைத்து பத்திரிக்கைகளிலும் எழுதியிருக்கிறேன். நான், நண்பர்களுடன் "சலங்கை" எனும் பத்திரிக்கை நடத்தியுள்ளேன். காலேஜ் மேகசினில் ஆசிரியர் குழுவில் இருந்துள்ளேன். கல்லூரியில் நடந்த சிறு கதை போட்டிகளில் பரிசு பெற்றுள்ளேன். என்னுடைய கதை கல்லூரி மேகசினில் வெளி வந்துள்ளது.

படிப்பு மற்றும் அலுவல் காரணமாக பல வருடங்கள் காரணமாக எழுதாமல் இருந்த நான் மீண்டும் இப்போது எழுத துவங்கி உள்ளேன். நான் எழுதிய முதல் கதையே 17.06.09 தேதியிட்ட ஆனந்த விகடனில் சென்னை எடிசனில் வெளி வந்துள்ளது. நான் இப்போது நிறைய கதைகள் எழுதி வருகிறேன். என் வலைத் தளத்தில் நிறைய கட்டுரைகள் எழுதி வருகிறேன்.

நான் மிகுந்த தெய்வ நம்பிக்கை உள்ளவன். தினமும் காலையில் நடை பயிற்சி, யோகா மாலையில் 1 மணி நேரம் ஜிம் செய்பவன். வாரத்தில் ஒரு நாள் விரதம். வேறு எந்த கெட்ட பழக்கமும் இல்லாததால் ஆண்டவன் நல்ல உடல் நிலையோடு என்னை வைத்திருக்கிறான் என நம்புகிறேன்.

நான் ஒரு கிரிக்கெட் வீரனாக ஆக ஆசைப்பட்டேன், பிறகு நல்ல பாடகராக ஆசைப்பட்டேன். கடைசியில் நன்கு படித்தால் மட்டுமே உறுப்பட முடியும் என நினைத்து நன்றாக படித்தேன்.

என் அப்பா அம்மா எப்படி என்னை வளர்த்தார்களோ அதே நல்ல பழக்க வழக்கங்களுடன் என் பிள்ளைகளை வளர்க்க முயன்று வருகிறேன்.

என்னுடைய வலைத்தளத்தில் என் அனுபவங்களைக் கொண்டு மிக நல்ல கட்டுரைகளை மட்டுமே வெளியிட வேண்டும் என நினைத்து எழுதிக்கொண்டிருக்கிறேன்.

என்னுடைய வலைத்தளம் : www.iniyavan.com

இந்தவார நட்சத்திரம் திரு. க. தங்கமணி பிரபு

2009-06-25T03:56:00.000-07:00

பெயர்: க. தங்கமணி பிரபு

ஊர்: பல்லடம், கோவை மாவட்டம். இப்போ 11 வருடமாக சென்னையில்வாழ்கிறேன்.

குடும்பம்: எனக்கு தேவையான அளவுக்கு சுதந்திரம் கொடுத்த அப்பாவையும், எழுதுவதை எனக்கு அறிமுகப்படுத்திய சின்ன அண்ணனையும் தவறவிட்டுவிட்டேன்.
என் வாசிப்புப் பழக்கத்திற்கு காரணமான பெரிய அண்ணன் கல்யாணசுந்தரம் ஊரில் பாத்திரக்கடைக்காரர். அண்ணி கார்குழலிதான் எங்கள் வீட்டுக்கு பெண்பிள்ளை. அண்ணன் மகன் தீபக் விக்னேஷுக்கு நான் எதிரியா, நண்பனா, சித்தப்பனா என்பது எங்கள் இருவருக்குமே புரியாதது! இங்கே சென்னையில் என்னுடன் இருக்கும் அம்மாவுக்கு நான் பலவருடமாக உருண்டு புரளும், உதைத்துத்தள்ளும் கர்ப்பபைக் குழந்தை!

சுயகுறிப்பு: விவசாயப் பாரம்பரியம், ஆனால் எங்களுடையது பாத்திரக்கடை. . பகுத்தறிவுக் குடும்பம், ஆனால் அம்மா மட்டும் சாமி கும்பிடுவார். படித்தது இங்கிலீ்சு மீடியம், ஆனால் பிடித்தது தமிழ். முடித்தது பிளாஸ்டிக் தொழில்நுட்பம். ஆனால் சிறிதுகாலம் மட்டும் பொறியியலில் குப்பை கொட்டிவிட்டு தேசிய நாடகப்பள்ளியின் பலவிதமான பட்டறைகளில் உருப்பெற்று மஞ்சாபையுடன் சென்னை வந்துவிட்டேன்.

திரு ரமேஷ் பிரபாவின் கேலக்ஸியில் சிலகாலம் வேலை பார்த்துவிட்டு, ஒரு உப்புமா சினிமா கம்பேனிக்குப் போய் கொடுமைப்பட்டு நொந்தபிறகு, சன் டி.வியில் 4வருடம் வேலை பார்த்தேன். அங்கே சன், கே மற்றும் சூர்யா டிவிகளில் சுமார் 800 நிகழ்ச்சிகளின் இயக்குனன். அதன் பிறகு இயக்குனர் திரு. பி.வாசுவிடம் 2 படங்களில் உதவி இயக்குனன். கோலங்கள் தொலைக்காட்சி தொடரில் நடிகனாக உள்ளே போய் பிற்பாடு அதன் இயக்குனர் திரு. திருச்செல்வத்திடம் சுமார் 9 மாதம் அசோசியேட் டைரக்டராக பணி. அந்த தொடரில் இப்போவரை நடித்துக்கொண்டுள்ளேன். இடையில் டப்பிங் யூனியன் உறுப்பினராகி சிலகாலம் சீரியல்கள் மற்றும் சினிமாவுக்கெல்லாம் டப்பிங் பேசினேன். கடந்த 4 வருடங்களாக F1 Studios(www.f1studios.co.in) என்ற பெயரில் விளம்பரப் படங்களும், விளம்பர போட்டோகிராபியும் செய்கிறேன். தற்போது ஒத்திகையில் ஈடுபட்டுள்ள நான் நடிக்கும் முதல் சபா மேடை நாடகம் ஆகஸ்டில் அரங்கேற்றம்.

சினிமாவுக்கு கதைகள் எழுதி தயார் நிலையில் யாரையும் தேடிப்போய் கதை சொல்லாமல் காத்திருக்கிறேன். நண்பனின் தொலைக்காட்சித்தொடரின் திரைக்கதையில் வேலை பார்க்கிறேன். அனுபவங்களையும் சிந்தனைகளையும் கதை கவிதைகளாக்கி நெருங்கிய நண்பர்களை பழியெடுத்துக்கொண்டிருக்கிறேன், இப்போ ப்ளாக் வாசிப்பவர்களையும்!. ஆயிரம் இருந்தும், வசதிகள் இருந்து நோ பீஸ் ஆப் மைண்ட் என்பது மாதிரி இன்று வரை என்னோடு மல்லுக்கட்டும் என் வல்லின மெல்லின கோளாறால் பயந்து பயந்து மிகவும் தாமதித்து தொடங்கிய என் ப்ளாக் பெயர் "சிந்தனி". பல வருடங்களுக்கு முன் என் நண்பர்களோடு நடத்திய கையெழுத்து பத்திரிக்கை பெயர் சிந்தனை. அந்த பெயர் ப்ளாக்ஸ்பாட்டில் கிடைக்காததால் 'சிந்தனி'.

கறுப்புப்பட்டை வாங்கிய 1 வருடத்திலெல்லாம் கராத்தே பயிற்சியை விட்டுவிட்டு பளுத்தூக்கப்போனது, இப்போ ஒபிசிட்டியே ஆனாலும் ஓரடி கூட வாக்க மாட்டேனென்பது. மனவளக்கலை தொடங்கி TA, TM, ஓஷோ இப்போ ஈஷா, ஆல்பாஃ என தியானங்கள் கற்பதை மட்டும் பயிற்சியாக வைத்திருப்பது. கீபோர்டு கொஞ்சநாள், கிட்டார் கொஞ்சநாள் பயின்றதுடன் எதுவுமே தெரியாமல் ஒரு நாள் தடாலென மென்பொருட்களை மட்டும் வைத்துக்கொண்டு விடிய விடிய இசையமைத்தது என்பது மாதிரி தேடல்அல்லது ஆர்வக்கோளாறு என்னிடம் ஒரு குணமாகவோ குறையாகவோ தொடர்ந்துகொண்டேயிருக்கிறது. வாசிப்பு வழக்கமும் அதே லட்சணம்! சிலநேரங்களில் ரொம்ப சுவாரஸ்யமாக சமையல் புத்தகங்கள் படிப்பதுண்டு. பிறகு லா.ச.ராவையோ ஜெயமோகனையோ உருட்டிக்கொண்டிருப்பேன்.

முரன்பாடான பல அனுபவங்கள்! டெல்லி ராயல் சிந்தூரி மாதிரி 5 ஸ்டார் ஹோட்டல் தரங்களிலும் லஞ்ச் மீட்டிங் போயிருக்கிறேன். திடீரென சாமியாராகி திருவண்ணாமலை அனுமார் கோவில் வாசலில் பிச்சைக்காரராக இருந்த நண்பனை மீட்கப்போன இடத்தில் புண்ணியம் வேண்டி ஒரு தம்பதியினர் அங்குள்ள பிச்சைக்காரர்களுக்கெல்லாம் உணவளித்தனர். (ஒரு கலைஞனுக்கே உரிய புதராய் மண்டிய தாடி, கசங்கிய பனியன், கசாமுசாவென அணிந்த ஜீன்ஸுடனிருந்த) என்னையும் பிச்சைக்காரனாக நினைத்து அங்கிருந்த சாமியார்கள், ஊனமுற்றவர்கள் மற்றும் பிச்சைக்காரர்களோடு சாலையோரத்தில் எனக்கும் இலை போட்டு இட்லி, சட்னி ,சாம்பார் போட்டார்கள். நல்ல பசி, 5 ஸ்டார் ஹோட்டல்கள் மாதிரியே இங்கும் ரசித்து சாப்பிட்டேன். ஆசைப்படாவிட்டாலும் அடிக்கடி என் வீடு இடம் மாறுகிறது(சென்னையின் 11 வருடத்தில் 13 ஜாகை மாற்றம்). மெனக்கெட்டு தேடியபோது கிடைக்காத அனுபவங்கள், இப்போ போதும் போதுமென்றளவுக்கு கிடைக்கிறது. முடிந்தளவுக்கு ப்ளாக்கில் பகிர்ந்து கொள்கிறேன்.

என் வலைத்தள முகவரி: http://chinthani.blogspot.com/

இந்த வார நட்சத்திரம் முனைவர் இரா.குணசீலன்

2009-06-18T23:38:00.000-07:00

அறிமுகக் குறிப்பு.

முனைவர் இரா.குணசீலன்

பணி

தமிழ் விரிவுரையாளர்

கே.எஸ் ஆர் கலை அறிவியல் கல்லூரி.

திருச்செங்கோடு,நாமக்கல் மாவட்டம்

தமிழ்நாடு, இந்தியா

தகுதி

எம்.ஏ., எம்பில், பிஎச்டி., ( தமிழ் )

தேசிய அளவிலான NET (UGC) தேர்வில் தேர்ச்சி பெற்றுள்ளேன்.

15 பன்னாட்டுக் கருத்தரங்குகளில் கலந்து கொண்டு கட்டுரை அளித்துள்ளேன்.

வலைப்பதிவில்...

சங்கத்தமிழ், இணையத்தமிழ் ஆகிய இரண்டையும் எடுத்தியம்புவது இவ்வலைப்பதிவின் இலக்காகக் கொண்டுள்ளேன். இதுவரை 92 இடுகைகள் இட்டுள்ளேன். 300 கருத்துரைகள் வந்துள்ளன..

வலைதள முகவரி.
http://gunathamizh.blogspot.com/

இந்த வார நட்சத்திரம் : நிலாரசிகன் Jun 15 to Jun 21

2009-06-14T21:24:00.000-07:00

கப்பலோட்டிய தமிழன் வ.உ.சி,தேசியகவி பாரதி.உமறு புலவர் வாழ்ந்த வீரமும்,தமிழும் கலந்த மண்ணில் பிறந்தேன்.படித்தது கணிப்பொறி.பிடித்தது தமிழ்.

2001ம் ஆண்டு முதல் கவிதைகள் எழுத ஆரம்பித்து இதுவரை மூன்று நூல்கள் வெளியாகி இருக்கின்றன. கடந்த இருவருடங்களாக சிறுகதைகளும் எழுதி வருகிறேன்.

கல்லூரி விடுதியில் விளையாட்டாக எழுத ஆரம்பித்தபோது இருந்த மனநிலை இப்போது வெகுவாக மாறி இருக்கிறது. நிறைய மனிதர்களின் சந்திப்பும், பயணங்களும், வாசிப்பனுபவமும் எழுத்தின் மீதான பார்வையை அகலப்படுத்தி இருக்கிறது.

2004ம் ஆண்டு இணையத்தில் முதன்முதலாக எழுத ஆரம்பித்தேன். இணையத்தால் இதயம் நனைத்து உயிரில் கலந்த நண்பர்களால் உயிர்ப்புடன் இருக்கிறது என் பயணம்.

திரட்டி.காம் நட்சத்திர பதிவாக என்னை தேர்வுசெய்ததற்கு மனமார்ந்த நன்றி. இந்த வாரம்(ஜூன் 15 - 21) தமிழுடன் தினம் பயணப்படும் பேரானந்தவாரமாக இருக்குமென்று நம்புகிறேன்.

அள்ளித்தர நட்புடன்,

நிலாரசிகன்.

வலைத்தளம்:

www.nilaraseeganonline.com

எனக்கு இலங்கையில் இருந்து வந்த மின்னஞ்சல் - உதவ முன்வருவோர் வாங்க

2009-06-11T23:13:00.000-07:00

Dear Sir,

I am a senior Tami Journalist in Sri Lanka and President for the Plantation Education and Cultural Development Association. Our Association is operating two ICT centers in Saragamuwa Province in Sri Lanka which is the most affected poverty province in Sri Lanka(where the plantation Tamil living).The Information communication Technology Agency of Sri Lanka (Which is the responsible to develop the ICT in Rural in Sri Lanka) has recognized our the above centers and gave us Internet and other facilities.

At present we started diploma courses in our centers and we expecting reading material in Tamil language. If it possible please send us the following:

Kananiein Kathai, Computer parts details in Tamil, M/.S word, Including other details.

Mostly poverty affected children and elders are studying in the above centers. So, we put theses request to your kind consideration

Thanking you

A.K.M.Pillai
pillaiakm@yahoo.com

பதிவு பரிந்துரை 10-6-2009

2009-06-10T01:51:00.000-07:00

எனக்கு பிடித்த சில பதிவுகளை தினமும் இவ்விடத்தில் பரிந்துரைக்கலாம் என நினைக்கிறேன் அதனடிப்படையில் சில பதிவு இன்று

இந்த வார நட்சத்திரம் : பிரேம்குமார் சண்முகமணி Jun 8 to Jun 14

2009-06-07T18:34:00.000-07:00

அறிமுகம்

சங்கம் வளர்த்த மதுரையில் பிறந்து, பின் பிரான்சின் பலகணி என்று சொல்லப்படும் புதுவையில் வளர்ந்தேன். கணினித்துறையில் பணி என்பதால் பெங்களூரில் சில காலம் கழித்துவிட்டு தற்போது சென்னையில் குடியேறியாகிவிட்டது.

கூட்டுப்புழுவாய் என் சிறு உலகத்திலேயே வாழ்ந்து கொண்டிருந்தேன். சமூக கோபங்களும், சமூகம் குறித்தான எண்ணங்களும் இருந்த போதிலும் பெரிதாக அதை வெளிப்படுத்திக்கொள்ள வாய்ப்புகள் இருந்ததில்லை. அல்லது பெரிதாக நான் முயன்றதில்லை. வலையுலக அறிமுகம் கிடைத்த பின் தான் என் உலகம் சற்று விரிய தொடங்கி இருக்கிறது. ஒத்த கருத்துடைய நண்பர்கள் பலரையும் சந்திக்கும் வாய்ப்பு கிடைத்தது. நாள் தோறும் புதிதாக எதோ ஒன்றை கற்று கொண்டிருக்கிறேன். மனித மனங்களின் அழகையும், வக்கிரங்களையும் ஒரு சேர நாள் தோறும் எங்கேனும் காண கிடைத்து கொண்டே தான் இருக்கிறது.

இலக்கிய உலகம் கடலேனில் அதன் ஒரு கரைக்கு வெளியே நின்று கொண்டு அதன் அழகை கண்டு ரசிக்க துடித்து கொண்டிருக்கிறேன். அவ்வப்போது ஆசையில் அதில் கால் நனைக்க நினைப்பதுண்டு. ஆனாலும் இன்னும் இறங்கி குளிக்கவும், அதன் ஆழங்களை அலசவும் முயன்றதில்லை. இன்னும் நிறைய காலம் தேவைப்படலாம்.

இந்த நட்சத்திர வாரத்தில் என் வலைப்பக்கங்களில் எழுதிப்பகிர என்ன காத்திருக்கிறது என்று தெரியவில்லை. மொழியோடு பயணிக்கும் என் பாதையில் இதொரு வசந்த காலமாய் இருக்கவும் செய்யலாம்.

வலைப்பூ சுட்டி

http://premkumarpec.blogspot.com

தமிழ்மணம் பரிந்துரை ஓட்டுகளை இனி thiratti.com தளத்தில் இருந்தும் போடலாம்.

2009-06-01T22:38:00.000-07:00

தமிழ் திரட்டிகளில் முதன்மையானதும் பல சிறப்பு சேவைகளை வழங்கிவரும் தமிழ்மணம் தற்சமயம் ஓட்டளிக்கும் முறையில் சில மாற்றங்களை செய்துள்ளனர்.
வாக்கின் தரத்தை மேம்படுத்த புதிய தொழில் நுட்பமான OpenID கொண்டு வந்துள்ளனர். இது நிச்சயம் பதிவுகளின் மதிப்பைக்கூட்டும் இந்த தொழில் நுட்பத்தை ஏற்பதில திரட்டி.காம் பெறுமகிழ்ச்சி அடைகிறது, அதன் பயனாக இன்று முதல் திரட்டி.காம் தளத்தில் பதிவுகளை மதிப்பிட தமிழ்மணத்தின் பரிந்துரை பொத்தானை இட்டுள்ளேன். இது திரட்டி.காம் வாசகர்களுக்கு ஒரு சிறு வசதி.

இந்த வார நட்சத்திரம் : மண்குதிரை Jun 1 to Jun 7

2009-05-29T00:41:00.000-07:00

மனிதனின் மிக பெரிய மகிழ்ச்சி எப்போது வெளிப்படும்? இந்தக்கேள்விக்கு பதில் பலரிடம் கேட்ட போது அங்கீகாரம் என்னும் ஒரு வார்த்தை வெளிப்பட்டது. ஆம் அங்கீகாரம். இனி திரட்டி.காம் தளத்தில் முடிந்தவரை பதிவர்களை வெளிக்காட்டும் பல முயற்சிகளில் ஒன்றாக வாரம் ஒரு பதிவரை நட்சத்திர பதிவராக்குவது வரும் Jun 1 முதல் ஆரம்பரம் முதல் பரிவராக மண்குதிரை அவர்களை தேர்ந்தெடுத்துள்ளேன் அவரின் சிறு குறிப்பு இதோ.

-----------------------------------------------------------------------------------------
பெயர்
மண்குதிரை

பதிவு முகவரி
http://mankuthiray.blogspot.com/

சுய அறிமுகம்
என்னால் எதுவும் இயலாது என்று அவர்கள் கூறுவதனால்தான் நான் எழுதவந்தேன். இந்த எழுத்து, தாழ்வுமனப்பான்மையிலிருந்தும், அவநம்பிக்கையிலிருந்தும் என்னை மீட்டெடுக்கிறது.
இரண்டாயிரம் வருட வரலாறுள்ள இந்தத் தமிழ்க் கவிதையுலகில் ஒரு இடம் தேடியலைந்த காலத்திலிருந்து மீண்டு வெறுமனே எழுதிக் கொண்டிருக்கிறேன் என்பதைத்தவிர சொல்வதற்கு எதுவுமில்லை.
-----------------------------------------------------------------------------------------

வாழ்த்துகள் மண்குதிரை!!

சூடான இடுகைகள்

2009-05-06T22:35:00.000-07:00

வாங்க! இப்ப திரட்டியிலயும் பதிவுகள் சூடாக ஆரம்பித்துவிட்டது. ஆம் இன்றிலிருந்து thiratti.com தளத்தின் முகப்பில் அதிகம் பார்வையிடப்பட்ட படைப்புகளின் முதல் 10 பதிவுகளை சிறப்பு பரிந்துரைகளாக காணலாம்

கூகுல் பிளாகர் உங்கள் ஆலோசனைகளை வரவேற்கிறது

2009-04-23T22:28:00.000-07:00

Blogger Buzz: We want to hear from you!

Over the years we've learned that some of the best insight into Blogger comes from you guys, the millions of users who use it every day. So we thought it'd be a great idea to open up the floor for feedback, and provide an easy way to let us know what you'd like to see.

With the help of Product Ideas, we've created a forum which allows you to submit and vote on new feature suggestions, gadget recommendations, and even Blogs of Note! The more feedback we get the better, so please take a moment to check it out, and then tell your friends.

We'll be keeping a close eye on all of the responses, so please stay tuned! We'll keep the forum open until Friday, May 14th.

The fine print: All support issues should still be directed to the help group. Off-topic submissions may be removed by the team. And Blogs of Note is for Blogger blogs only ;-)

பிளாகரில் ஆட்சென்ஸ் ரிப்போர்ட்

2009-04-19T06:45:00.000-07:00

The current Monetize tab allows you to apply for an AdSense account (or link your Blogger blog to an existing AdSense account). You can then choose where to place ads on your blog, and once ads start appearing on your blog, review your earnings. We use the AdSense API to pull your live earnings data from your AdSense account, so now it's easy to check how your revenues are doing without leaving the Blogger interface.

Please note that new applications may take a few days to process, and not every site will be approved (for more on the eligibility criteria for an AdSense account, please see here). Details about the monetize tab and the information presented there is available in Blogger's Help section.

வலைப்பதிவர் பட்டியல், புதுச்சேரி செய்திகள்

2009-04-13T22:25:00.000-07:00

இன்று முதல் thiratti.com தளத்தில் புதிய பகுதிகளாக வலைப்பதிவர்கள் பட்டியலையும். புதுச்சேரியின் முழு வீச்சையும் பல பிரிவுகளில் செய்தியாக வெளியிடும் puducherrynews.com தளத்தில் இருந்து செய்திகளையும் காணலாம்

புதுச்சேரி செய்திகளை திரட்டி.காம் முகப்பிலும்
பதிவர் பட்டியலை காண

Gmail இந்திய மொழிகளில் தட்டச்ச

2009-04-01T03:34:00.000-07:00

இந்திய மொழிகளில் தட்டச்சும் வசதியை Gmail தற்சமயம் வழங்கியுள்ளது இதன் மூலம் Amma என தட்டச்சினால் அம்மா என தமிழில் வரும் வடிவில் இலகுவாக வடிவமைக்கப்பட்டுள்ளது. மேலும் படிக்க கீழ் உள்ள சுட்டியை பயன்படுத்தவும்.
Official Google Blog: Email in Indian languages

Thiratti : The search is on for the Google Search Appliance

2009-02-26T01:19:00.000-08:00

The Google Search Appliance (aka the GSA) provides universal search for businesses of all sizes. This handy yellow box pulls together documents, images, and other files from web servers, intranets, business applications, and more, making all of this accessible from one search box. Now we're holding a contest to see how "findable" the GSA is in offices from coast to coast in the U.S.

If the GSA has helped your business, we want to hear your story and see your pics with the shiny yellow box. (Don't worry, your photo doesn't have to be star-studded to win.) Two grand-prize winners will receive an all-expense paid trip to the Google IO conference.

The contest deadline is March 31, 2009 and the winners will be announced on April 17. For more information and to find out how to enter, check out the Enterprise Blog.

Posted by David Kim, Associate Product Marketing Manager, and avid appliance photographer

ஆஸ்கர் கனவு பலித்தது

2009-02-22T20:00:00.000-08:00

வாழ்த்துகள் A.R. ரகுமான்

சிறந்த குறும்படம் "SMILE PINKI"

மாபெரும் கலைஞருக்கு அஞ்சலி

2009-01-31T06:19:00.000-08:00

மாபெரும் கலைஞருக்கு திரட்டி.காம் அஞ்சலி

தமிழ்மணம் விருதுகள் 2008 பெறுபவர்களுக்கு திரட்டி.காம் பரிசு

2009-01-18T21:02:00.000-08:00

தமிழ்மணம் விருதுகள் 2008 தற்சமயம் வெகு விமரிசையாக நடைபெற்று வருகிறது. இதில் திரட்டி.காம் தளமும் பதிவர்களை ஊக்கப்படுத்தும் முகமாக விருது பெறும் பதிவர்களுக்கு சிறப்பு பரிசுகளை வழங்க முடிவு செய்துள்ளோம். பரிசு பெறுபவர்களுக்கு சிறு விழா ஒன்றின் மூலம் பாராட்டி பரிசினை வழங்கவும் உள்ளோம். என்ன பரிசு என்பது இப்போதைக்கு சஸ்பென்ஸ். மேலம் தகவல்கள் விரைவில்...

இனிய பொங்கல் நல்வாழ்த்துகள்

2009-01-12T22:05:00.000-08:00

இனிய பொங்கல் நல்வாழ்த்துகள்

நன்றிகளுடன்
வெங்கடேஷ்
http://www.thiratti.com

Tamils for Obama மின்னியல் கையெழுத்து சேகரிப்பில் இணைந்து செயலாற்ற தமிழர்களுக்கு ஒரு வேண்டுகோள்

2009-01-12T21:26:00.000-08:00

தமிழருக்காக ஒபாமா என்னும் 'மின்னியல் கையெழுத்து' சேகரிப்பில் இணைந்து செயலாற்ற தமிழர்களுக்கு ஒரு வேண்டுகோள்!!

http://www.thesundayleader.lk/20090104/editorial-.htm

The Chief Editor, Mr. Lasantha Wickramatunga, was killed for writing this editorial within hours. Every Sri Lankan would know that SL government killed him.

Read this next moving editorial from the same newspaper which exposes the government even more.

http://www.thesundayleader.lk/20090111/editorial-.htm

In the name of containing terrorism, this act of Sri Lankan government will also be ignored by the intellectuals all over the world.

If you feel concerned after reading this,

1. please click and sign this petition. It takes less than a minute.

http://www.tamilsforobama.com/sign/letter.html

2. please forward this to all your friends.

இனிய புத்தாண்டு நல் வாழ்த்துகள்

2008-12-30T22:48:00.000-08:00

இனிய புத்தாண்டு நல் வாழ்த்துகள்

நன்றிகளுடன்
வெங்கடேஷ்
http://www.thiratti.com

தமிழ் வலைப்பதிவுகளில் பின்னூட்ட SPAM எச்சரிக்கை!!!!

2008-06-29T06:25:00.000-07:00

சமீப காலமாக தமிழ் வலைப்பதிவுகளில் வரும் சில பின்னூட்டங்களைக் கானும் போது ஏதோ தவறாகப்பட்டது

பொதுவாக ”I like this blog. for real!” என்று பின்னூட்டம் இட்டு விட்டு உடன் ஒரு விளம்பரம் நிரைந்த ஒரு பக்கத்திற்கு சுட்டியையும் கொடுத்துவிடுகின்றனர். இந்த வகை இணையதளங்களை MFA அதாவது "MADE FOR ADSENSE" என்று அழைப்பார்கள்.

பொதுவான வாசகம் கொண்ட பின்னூட்டம் என்பதால் பலரும் இதை அனுமதித்து விடுகின்றனர் நேரிடையாக பார்க்கும் போது இதன் மூலம் எந்த ஒரு ஆபத்தும் இல்லை ஆனால் நம் தளத்தில் உள்ள பின்னூட்டம் மூலமாக செல்லும் சுட்டியினால் எந்த பயனும் படிப்பவறுக்கு இல்லை. இதுவும் ஒரு வகையான SPAMMING தான்.

உதாரணத்திற்கு இந்த சுட்டியை பார்க்கவும்.

அதே போல் புதுவை கோ.சுகுமாரன் அவர்களுடைய பதிவிலும் இந்த SPAMMING நடந்துள்ளது.

தமிழ்மணம் ”ம” திரட்டியில் இதைப்பற்றி ஆராய்த போது இது இப்போது தான் ஆரம்பித்துள்ளதாக அறிகிறேன்.

பதிவர்களே இனி அனுமதிக்கும் ஒவ்வொரு பின்னூட்டத்தின் தரத்தையும் சோதிக்கவும்.

நன்றிகளுடன்
வெங்கடேஷ்

தமிழ்மணம் கருத்தரங்கு - சுவரெட்டி

2008-06-16T02:18:00.000-07:00

இணையத்தில் தமிழ் வளர்ச்சியும் பயன்பாடும் கருத்தரங்கு குறித்து புதுவை முழுவதும் பல இடங்களில் சுவரொட்டி ஒட்டப்பட்டுள்ளது.

இணையத் திரட்டிகளில் "திரட்டி.காம்" பங்களிப்பு... தமிழ்ஓசை செய்தி

2008-06-15T21:38:00.000-07:00

ஒரு புகழ்பெற்ற கல்வி நிறுவனம் பத்தாண்டுகளுக்கு மேலாக எம்.சி.ஏ என்னும் முதுகலை கணிப்பான் பயன்பாட்டியல் பாடவகுப்பை மாணவர்களிடம் பெருந்தொகையை நன்கொடையாகப் பெற்று நடத்தியது.அக்கல்லூரிக்கு ஒரு மின்னஞ்சல் வசதிகூட அந்த நாளில் இல்லை என்பதை இப்பொழுது நினைத்து நான் வருந்துவதுண்டு. மின்னஞ்சல், இணையம் பற்றி நேரடியாக அறியாமல் அந்த மாணவர்கள் என்ன அறிவைப் பெற்றிருப்பார்கள்?.கரும்பலகையில் கற்பதுஅல்ல இணையம் சார்ந்த கல்வி.அதனை முழுமையாக செய்முறை வழி கற்றால் பயன்பாடு மிகுதியாயிருக்கும்.அந்தக் கல்லூரியில் பயின்ற மாணவர்கள் எத்தகைய செய்முறை அறிவுப் பின்புலமும் இல்லாமல் வெளியேறி இருப்பார்கள் எனபதுதான் உண்மையாக இருக்கமுடியும்.

கணிப்பொறி,இணையம் இவை இன்று உலகில் தவிர்க்கமுடியாத கல்விப் புலங்களாகிவிட்டன.ஒருநாள் உலகில் இணையசேவை முற்றாகத் தடைப்பட்டால் உலக இயக்கமே நின்றுவிடும் என்ற அளவிற்கு இணையம் முதன்மை உடையதாகிவிட்டது. வானவூர்திப் பதிவு, தொடர்வண்டிப் பதிவு,பங்குச்சந்தை,வங்கிப் பணப்பரிமாற்றம்,நிறுவனங்களின் செயல்பாடுகள் யாவும் இணையத்தை நம்பியே இயங்குகின்றன.இவ்விணையத்தில் பலதுறையில் தொழில் நுட்பம் அறிந்தவர்கள் பணிபுரிகின்றனர்.எனக்கு வேண்டியவர்கள் பலர் கணிப்பொறித் துறையை நன்கு கற்று, அத்துறையில் வியத்தகு சாதனைகள் புரிந்துள்ளனர். சிலர் அடிப்படைக்கல்வி கூடப் பெறாமல் தாமே,கணிப்பொறி,இணையம் சார்ந்த அறிவுபெற்று மிகச்சிறந்த இணையப் பக்க வடிவமைப்பாளராகவும், மென்பொருள் உருவாக்குநர்களாகவும் உள்ளனர்.அவர்கள் செய்த பணிகள் தமிழ் மொழிக்கும்,தமிழ் இனத்திற்கும் பெருமை சேர்ப்பதாக இருக்கின்றன. அத்தகு இளைஞர்களை அடையாளம் காட்டுவதால் கணிப்பொறி,இணையத்துறையில் உள்ள பலர் தமிழ் வளர்ச்சிக்கு உதவுவார்கள் என்ற அடிப்படையில் சிலரை அடையாளம் காட்ட நினைக்கிறேன்.

திண்டிவனத்திற்கு அருகில் உள்ள சிற்றூர் தாதாபுரம்.வேளாண்மைத் தொழிலில் ஈடுப்பட்டிருந்த பெற்றோர் தம் மகன் வெங்கடேசுவைப் படிக்கவைக்க நினைத்தும் பொருள் வசதி இல்லாததால் திண்டிவனத்தில் மேல்நிலைக் கல்வி வரை படிக்கவைத்து,அதன்பிறகு தனியார் பேருந்து உரிமையாளர் ஒருவரிடம் கணக்குகளைக் குறித்துவைக்கும் பணியாளனாகப் பணிக்கு அனுப்பிவைத்தனர்.பேருந்து உரிமையாளர் தம் கடைக்கு வந்த பணியாளனை இடைப்பட்ட நேரங்களில் கணிப்பொறிப் படிக்கும்படி பணம்கொடுத்து ஊக்கப்படுத்த, வெங்கடேசன் என்ற அந்த மாணவத் தொழிலாளிக்குக் கணிப்பொறி அறிமுகமானது.சிறிதளவு கணிப்பொறி கற்ற வெங்கடேசு சென்னை சென்றால்தான் குடும்பத்தைக் காப்பாற்ற முடியும் என்ற நிலையில் சென்னைக்குப் பணிக்குச் சென்றார்.அச்சகம் ஒன்றில் பணி கிடைத்தது.இடைப்பட்ட நேரங்களில் பகுதிநேரமாகச் சில இதழ்களின் வடிவமைப்பாளர் பணியை மேற்கொண்டார்.நெற்றிகண்,சட்டப்பிரச்சனை உள்ளிட்ட இதழ்களை வடிவமைக்கவும் இணையத்தில் இவ்விதழ்களைத் தெரியச் செய்யவும் முயன்றார்.

வருவாய் குறைவு. பணி அதிகம்.பி.பி.ஏ.அஞ்சல்வழிப் படிப்பு தடைப்பட்டது.தன் ஊருக்கு அருகில் உள்ள புதுச்சேரியில் தனியார் நிறுவனம் ஒன்றில் பணிகிடைத்து 2000 ஆம் ஆண்டில் இணைகின்றார்.5 ஆண்டுகளில் கடுமையான உழைப்பு,முயற்சியால் தாம் பணிபுரிந்த நிறுவனத்தில் நம்பிக்கைக்குரியவரானார்.சராசரி பணியாளராக இல்லாமல் ஒரு நிறுவனத்தை உருவாக்கவும்,மேலாண்மை செய்யவுமான திறம் பெற்ற வெங்கடேசு தாமே ஒரு நிறுவனத்தை உருவாக்குகிறார்.பலருக்கு வேலை வாய்ப்பு வழங்கும்படியாகவும்,பலர் இவர் செய்துதரும் வேலைக்குக் காத்திருக்கவுமான நிலையை உருவாக்குகிறார்.மூன்றாண்டுகளில் இவருடைய நிறுவனத்தின் சேவையைப் பெற்ற நிறுவனத்தால் இவர் நிறுவனம் வாங்கப்படும் நிலைக்கு இவர் நிறுவனப்பணி இருந்தது.

இணையம் வழியாக உலகின் பல பாகங்களில் இருக்கும் நிறுவனங்களுக்கு மொழிபெயர்ப்புப் பணிகளைச் செய்து தருவதே இவர் நிறுவனப் பணியாகும். உலகப் புகழ்பெற்ற நிறுவனங்களுக்கு அவர்கள் விருப்பத்திற்கு ஏற்ப,உரிய காலத்தில் இவர் பணிசெய்து கொடுத்ததால் இவர் நிறுவனம் உலக அளவில் நம்பிக்கைக்குரியதாக மாறியது.315 மொழிகளில் மொழிபெயர்க்கும் சேவையை இவரின் நிறுவனம் மேற்கொண்டிருந்தது.உலகின் புகழ்பெற்ற மருந்து நிறுவனங்கள்,மகிழ்வுந்து நிறுவனங்கள் இவர் மொழிபெய்ப்புப்பணிக்குக் காத்திருந்தன(இணையம் வழி மொழிபெயர்ப்புப் பற்றிய பல தகவல்கள் வெங்கடேசுவிடம் உள்ளன).உலகத்தரத்திற்கு இவரின் நிறுவன மொழிபெயர்ப்புப் பணி இருந்தது.இணையத்தின் உதவியால் மொழிபெயர்ப்புப் பணியில் ஈடுபட்டிருந்த வெங்கடேசுவிற்குத் தமிழுக்குப் பணி செய்யும் விருப்பம் ஏற்பட்டது.

ஒவ்வொருவரும் தங்கள் விருப்பங்களைக் கணிப்பொறியில் வலைப்பதிவுகளாக வெளியிட்டு வருகின்றனர்.இவ் வலைப்பதிவுகளைத் திரட்ட,திரட்டி ஓரிடத்தில்காட்ட உலக அளவில் ஒவ்வொரு மொழியிலும் திரட்டிகள் உள்ளன.ஆங்கிலத்தில் Technorati.com , Bloglines.com உள்ளிட்ட திரட்டிகள் உலகம் முழுவதும் உள்ள பதிவர்கள் எழுதும் செய்திகளைத் திரட்டும் பணியில் உள்ளன.தமிழில் இப்பணியைத் தமிழ்மணம்,தேன்கூடு,தமிழ்வெளி உள்ளிட்ட திரட்டிகள் செய்கின்றன. இத்திரட்டிகளின் பணியை உற்று நோக்கிய வெங்கடேசு தாமும் ஒரு திரட்டியை இவற்றைவிட மேம்பட்ட கூடுதல் வசதிகளுடன் உருவாக்க நினைத்தார்.புதுச்சேரியில் தொடங்கப்பட்ட புதுச்சேரி வலைப்பதிவர் பயிற்சிப் பயிலரங்கம் பல நண்பர்களை வெங்கடேசுவிற்குத் தந்தது. புதுச்சேரியில் எழுதும் வலைப்பதிவுகளை மட்டும் தொகுக்கும்படியாகத் "திரட்டியை" உருவாக்கினார்.உலகம் முழுவதிலிருந்தும் பலர் இவர் திரட்டியில் தங்கள் பதிவுகளை இணைத்தனர்.ஏறத்தாழ மூன்று மாதங்களில் இரண்டாயிரத்து ஐந்நூறுக்கும் மேற்பட்டவர்கள் தங்கள் பதிவுகளை இணைக்க விண்ணப்பித்தனர்.இவர்கள் எழுதும் எழுத்துகளின் தரம் அறிந்து எறத்தாழ1800 பேர் எழுதும் எழுத்துகள் மட்டும் உடனடியாகத் திரட்டும்படி தம் திரட்டியை வடிவமைத்துள்ளார்.தகவல்களைத் திரட்டித் தரும் பணியைச் செய்யும் தன் தளத்திற்குத் "திரட்டி" எனத் தமிழ்ப்பெயர் வைத்துள்ளது சிறப்பிற்கு உரிய ஒன்றாகும்.

திரட்டியின் சிறப்பு என்ன?

தமிழ்மணம்,தேன்கூடு உள்ளிட்ட திரட்டிகள்தான் இவருக்கு இந்த எண்ணத்தை ஏற்படுத்தியது.நன்றியுடன் இவற்றை நினைத்துப் பார்க்கும் வெங்கடேசு இத்திரட்டிகளில் அனைத்துப் பதிவுகளும் சில ஆய்வுகளுக்குப் பிறகு திரட்டப்படுகின்றன.படிப்பவருக்குப் பயனில்லா சில செய்திகளை அடிக்கடி சிலர் வெளியிடுகின்றனர்.கவர்ச்சியான தலைப்புகளைத் தந்துவிட்டு தங்கள் தளத்திற்குப் படிப்பவரை இழுத்து ஏமாற்றும் வித்தையைச் சில பதிவர்கள் செய்கின்றனர்.மத உணர்வைத் தூண்டும்படியாகவும்,சாதிய உணர்வுகளைத் தூண்டும்படியாகவும்,பாலியல் உணர்வுடனும் சிலர் பதிவுகளை இடுகின்றனர்.இத்தகு பதிவர்களின் பதிவுகளை எக்காரணம் கொண்டும் தங்கள் திரட்டியில் திரட்ட வெங்கடேசு விரும்பவில்லை.அவர்களின் பதிவகளைத் திரட்ட முடியாதபடி அவற்றைத் தடைசெய்து வைத்துள்ளார்.

திரட்டியில் திரட்டப்படும் பதிவுகள் பற்றிய செய்திகளை முழுமையுடன் காட்ட இவர் தன் மென்பொருளை உருவாக்கியுள்ளார்.ஏறத்தாழ பதினைந்து சொற்கள் திரட்டியில் காட்டப்படுகின்றன.பதிவர்கள் இடும் படங்களையும் திரட்டிக் காட்டுகிறது.தலைப்புகள் தனி வண்ணத்தில் காட்டப்படுவதால் பலரும் ஆர்வமுடன் பதிவுகளைப் படிக்கின்றனர்.திரட்டியில் இடப்படும் இடுகைகளில் இடம்பெறும் குறிச்சொற்களைப் புரிந்துகொண்டு திரட்டி செய்திகளின் அடிப்படையில் பல வகை பகுப்புகளில் செய்திகளைத் தானே வகைப்படுத்துகிறது.அவ்வகையில் செய்திகள்,பங்குவணிகம்,சமையல் குறிப்புகள்,மழலையர்கள் பற்றிய பகுப்புகளில் செய்திகள் உள்ளன.திரட்டியில் தமிழ்ப்பதிவுகளின் தொகுப்பு என்று அறிவிப்பு இருந்தாலும் ஆங்கிலத்தில் முதன்மைச்செய்திகள் காட்டப்படுகின்றன.மேலும் திரட்டி.காம்,ஒலியும் ஒளியும்,திரட்டி அறிவிப்புகள், செய்திகள்,பங்குச்சந்தைச் செய்திகள்,கிரிக்கெட்,சமையல் என்ற அடிப்படையில் மக்கள் கவனம் செலுத்தும் செய்திகளையும் தனித்தன்யாகத்திரட்டும்படி வெங்கடேசு தம் தளத்தை வடிவமைத்துள்ளார்.பின்னூட்டம் வசதி திரட்டியில் இல்லை.

திரட்டி அமைப்பில் பதிவருக்கு முதன்மையில்லை.பதிவுகளுக்கே முதன்மை.பிளாக்கர்,வேர்டுபிரசு வழியாகப் பதிந்தவர்களின் பதிவுகள் திரட்டப்படுகின்றன.பதிவர் பெயர் மற்ற திரட்டிகளில் இருக்கத் திரட்டியில் பதிவர் பெயர் இடம்பெறுவதில்லை.திரட்டியில் எல்லாப் பதிவுகளும் இணைக்கப்படுவதில்லை.படிப்பவருக்குப் பயன்தரத்தக்க பதிவுகள் மட்டும் இணைக்கப்படுகின்றன.மற்ற திரட்டிகளில் "பிங்" செய்தால்தான் நம் பதிவுகள் இணைக்கப்படும்.ஆனால் ஒரு முறை நாம் பதிவு செய்துவிட்டால் திரட்டித் தானே நம் பதிவைத் திரட்டிவிடும்.மற்ற திரட்டிகளில் நாம் எழுதியுள்ளதன் அடிப்படையில் நாம்தான் வகைப்படுத்த வேண்டும்.திரட்டித் தானே வகைப்படுத்திக் கொள்கிறது.மற்ற திரட்டிகளிலிருந்து வேறுபட்ட பல சிறப்புக் கூறுகளைக் கொண்டுள்ள திரட்டியை உருவாக்கிய வெங்கடேசு தமிழர்களுக்குப் பயன்படும் வகையில் பல பணிகளைச் செய்ய காத்துள்ளார்.இவர் கூகுள் நிறுவனத்திற்காகக் கணிப்பான் ஒன்றையும்,நம் கணிப்பொறி ஐ.பி எண்ணைக் காட்டும் மென்பொருளையும் இலவசமாக உருவாக்கி வழங்கியுள்ளார்.இவற்றை நாம் இலவசமாக நம் இணையப்பக்கத்தில் சேர்த்துக்கொள்ளலாம்.பயன்பெறலாம். கணிப்பொறி வல்லுநர் முகுந்து அவர்களுடன் இணைந்து செல்பேசிக்கு இணையம் வழியாக'ரீசார்ச்' செய்துகொள்ளும் மென்பொருளையும் உருவாக்கியுள்ளார்.வளர்ந்துவரும் இளைஞருக்கு வாழ்த்துரைப்பதன் வழியாக இவர் இன்னும் பல மென்பொருளைக் கண்டுபிடித்துத் தமிழுக்கும் தமிழருக்கும் பெருமை சேர்ப்பார் என நம்பலாம்.

இக்கட்டுரை மு.இளங்கோவன் அவர்களால் 15-6-2008 அன்று தமிழ்ஓசை இதழில் எழுதப்பட்டது. அவர்களுக்கு என்னுடைய மனமார்ந்த நன்றிகள்.

இந்த செய்தியையும் இதழயும் பகிர்ந்துகொண்ட புதுவை இரா. சுகுமாரன் அவர்களுக்கு நன்றி!!!

ஜீமெயில் லேப்ஸ் அறிமுகம்

2008-06-08T22:36:00.000-07:00

ஜீமெயில் தற்சமயம் அனைவரும் பயன்படுத்தும் வகையில் புதிய பரிட்சார்ந்த வசதிகளை அறிமுகப்படுத்தியுள்ளது. தற்சமயம் இதில் 13 வசதிகள் பயன்பாட்டிற்கு உள்ளது. மேலும் தகவலுக்கு இங்கு சொடுக்கவும்

தமிழ் இணைய உலகில் இ.கலப்பை - தமிழ்ஓசை செய்தி

2008-05-31T21:14:00.001-07:00

ஆங்கில எழுத்துகளைப் பயன்படுத்தி எந்தக் கணிப்பொறியிலும் தட்டச்சுச் செய்யலாம்.ஆனால் தமிழ் எழுத்துகளைப் பயன்படுத்தி ஒரு கணிப்பொறியில் தட்டச்சுச் செய்தால் அந்த எழுத்துகளை வேறொரு கணிப்பொறி படிக்காது.அவ்வாறு படிக்க முடியாததால் ஒருவர் உருவாக்கிய செய்தி மற்றவருக்குப் பயன்படாமல் இருந்தது.அனைத்து கணிப்பொறிகளும் புரிந்துகொண்டு படிக்கும்படியான ஒருங்கு குறி(யுனிகோடு) வடிவம் இருந்தால் நல்லது என்ற நிலையைத் தமிழ்க் கணிப்பொறி நுட்பம் அறிந்த வல்லுநர்கள் அறிந்தார்கள்.
மலேசிய கடைத் தெருக்களில் இருந்த இணைய உலவி நடுவங்களுக்குச் சென்ற கணிப்பொறி வல்லுநர் சீனமொழிக்காரர்கள் எந்த இடையூறும் இல்லாமல் அவர்களின் தாய்மொழியான சீனமொழியில் தட்டச்சுச் செய்தனர்.எழுத்துருச் சிக்கல் அவர்களுக்கு இல்லை.தமிழில் அவ்வாறு செய்யமுடியவில்லையே என அவர் உள்ளம் ஏங்கியது.தமிழர்கள் எந்தவித இடையூறும் இல்லாமல் தமிழ் எழுத்துகளைத் தட்டச்சுச் செய்ய வேண்டும் அதற்குரிய மென்பொருளை உருவாக்க வேண்டும் என அந்த உள்ளம் நினைத்தது. தன்னுடன் பணிபுரிந்த நண்பர்களின் ஒத்துழைப்பு,ஊக்க உரைகளால் ஒருங்குகுறி வடிவில் தட்டச்சிடும் ஒரு விசைப்பலகையை அந்த இளைய உள்ளம் கண்டுபிடித்தது.

தன்னலங் கருதாமல் தமிழ்நலம் கருதி இலவசமாக வழங்கிய அந்த மென்பொருள்தான் இ.கலப்பை எனபதாகும்.இதனை இணையத்திலிருந்து இலவசமகத் தரவிறக்கம் செய்துகொள்ளலாம். தமிழில் நிலவி வந்த எழுத்துரு சிக்கலுக்குத் தீர்வு சொன்ன இந்த இ.கலப்பையை உருவாக்கியவர் இளைஞர் முகுந்தராசு அவர்கள்.இணைய உலகில் முகுந்த் என்று அறிமுகமான பெயர்.

பெங்களூரில் தனியார் நிறுவனம் ஒன்றில் மென்பொருள் உருவாக்கும் வல்லுநராக இருக்கும் இவர் பிறந்தது நாமக்கல் அருகில் உள்ள சேந்தமங்கலம் என்பது ஆகும். தந்தையார் சுப்பிரமணியனார் அவர்கள் நெடுஞ்சாலைத் துறையில் பணியாற்றி ஓய்வு பெற்றவர்.தாயார் அமராவதி அவர்கள்.25.12.1972 இல் பிறந்த முகுந்தராசு அவர்கள் சேந்தமங்கலத்திலும் சைனிசு பள்ளியிலும் பள்ளியில் படித்தவர்.கரூர் அரசுக்கல்லூரியில் இயற்பியல் முதலாண்டு படித்த முகுந்து சென்னை விவேகானந்தர் கல்லூரியில் பட்டப்படிப்பை நிறைவு
செய்தார்.பின்னர் அண்ணாபல்கலைக்கழகத்திற்கு உட்பட்ட எம்.ஐ.டி கல்லூரியில் பி.டெக் படிப்பை நிறைவு செய்தார்(1994-97).படிப்பு நிறைவுற்றதும் இராம்கோ நிறுவனத்தில் (1997-2000)சென்னையிலும், பின்னர் மலேசியாவிலும்(2001-04) பணிபுரிந்தார்.

மலேசியாவில் பணிபுரிந்தபொழுது இணைய உலகில் பல நண்பர்கள் அறிமுகம் ஆனார்கள்.பாலா பிள்ளை போன்றவர்கள் தமிழ் ஒருங்கு குறியின் தேவையை வலியுறுத்தி ஊக்கப்படுத்த இ.கலப்பை உருவாக்கும் பணி தொடங்கியது அதற்கு முன் கிமன்,[கீமேன்]எழுத்துரு உள்ளிட்ட மூன்று பொருள்களை நம் கணிப்பொறியில் பதிவிறக்கிய பின்னரே தமிழில் தட்டச்சிட முடியும்.கீமேன் தொழில் நுட்பத்தைப் பயன்படுத்தி யாரும் உடனடியாக நிறுவிக்கொள்ளும்படியான எளிய தொழில்நுடபத்தில் அமைந்த இ.கலப்பையை முகுந்து உருவாக்கி இலவசமாக உலகிற்கு வழங்கினார்.

முகுந்து அவர்கள் தமிழ்ப்பற்றும் இன உணர்வும் நிறைந்த இளைஞர்.தமிழகமக்களின் பொருளாதார,கல்வி நிலைகளை நன்கு உணர்ந்தவர்.இத்தகு மக்கள் முன்னேற்றும் கருதி கிமேன் நிறுவனத்திடம் பேசி அவர்களின் தொழில் நுட்பத்தைப் பயன்படுத்திக்கொள்ள 400 டாலர் நண்பர்களிடம் திரட்டி அவர்களிடம் உரிமைபெற்று இலவசமாக நமக்குக் கிடைக்கச்செய்தவர்.

முகுந்து அவர்களின் முயற்சிக்கு சுரதா யாழ்வாணன்,உமர்தம்பி, அரிகிருட்டிணன் உள்ளிட்டவர்கள் துணைநின்றனர்.முகுந்து இ.கலப்பையின் இரண்டாம் பதிப்பை விரைவில் வெளியிடத் திட்டமிட்டுள்ளார். இ.கலப்பை எக்சு.பி என்னும் மென்பொருளில் இயங்குகிறது.விசுடா என்ற நிலையில் இப்பொழுது இயங்கவில்லை.அதன் குறையை நீக்கி விசுடாவிலும் செயல்படும் வண்ணம் இ.கலப்பை இரண்டாம் பதிப்பு வெளியிடும் முயற்சியில் உள்ளார். 2001-2004 வரை தமிழ்த் தட்டச்சை எளிமைப்படுத்தியது இ.கலப்பை எனில் மிகையன்று.இ.கலப்பையின் தொழில் நுட்பம் சார்ந்து இன்று என்.எச்.எம் என்னும் மென்பொருள் வெளிவந்துவிட்டது.இது இ.கலப்பையில் உள்ள குறைகள் களையப்பட்ட வடிவமாக உள்ளது.வேறொரு நிறுவனத் தயாரிப்பாக இது இருந்த போதிலும் இதனை மகிழ்ச்சியடன் வரவேற்கிறார் முகுந்து.

போட்டிகள் இருந்தால்தான் பொருள்கள் மக்கள் பயன்பாட்டிற்கு வரும்.அந்த வகையில் போட்டிப் பொருள்கள்,போட்டி வணிகம் தேவை என்கிறார் முகுந்து.இவ்வாறு இலவச மென்பொருள்கள் வந்தபிறகுதான் பல மென்பொருள்கள் குறைந்த விலைக்குக் கிடைக்கும்படியாக, மக்கள் அதிகம் பயன்படுத்தும்படியாக ஆனது என்கிறார்.முகுந்து சொல்வது மிகச்சரியாகும்.எழுத்துருக்கள் அடங்கிய மென்பொருள்கள்,செயலிகள் முன்பு மிக அதிக விலையில் விற்றன.இன்றைய கணிப்பொறி விலைக்கு முன்பு மென்பொருள்களின் விலை இருந்தது.இன்று பல நிறுவனங்கள் இலவசமாகவே பல சேவைகளை வழங்குகின்றன.(சுரதா.காம் வழங்கும் உலக அளவிலான மொழிமாற்றிச் சேவையைப் பற்றிப் பின்பு எழுதுவேன்)

தமிழ் என்பது நம் அடையாளம்.தமிழில் முடியாது,தமிழால் முடியாது என்றால் நம் தமிழர்களால் முடியாது என்று பொருள்.எனவே தமிழால் முடியும்,தமிழரால் முடியும் என்று காட்டவே இம்முயற்சிகளில் ஈடுபட்டேன் என்கிறார் இத் தமிழ்ப்பற்றுடைய கணிப்பொறி வல்லுநர்.தமிழில் அனைத்து வசதிகளையும் மைக்கரோசாப்டு உள்ளிட்ட முன்னணி நிறுவனங்கள் வழங்க வேண்டும் என்றால் தமிழை அனைவரும் பயன்படுத்த வேண்டும் .தமிழ் அனைத்துத் துறைகளிலிலும் பயன்படுத்தப்படுகிறது என்ற நிலையை உணர்ந்தால் முன்னணி நிறுவனங்கள் தங்களை நிலைநிறுத்திக்கொள்ள தமிழில் அனைத்துச் சேவைகளையும் வழங்க முன்வரும்.

வங்கிகள் தமிழில் இயங்கவேண்டும்.தானியங்கி பணமெடுக்கும்பொறிகள்(ஏ.டி.எம்),செல்பேசிகள்,தமிழக அரசின் ஆட்சிஅலுவல்கள்,உள்ளாட்சி நிருவாகம்,பள்ளி,கல்லூரிகள்,பல்கலைக்கழகங்களின் நிருவாகம்,நீதிமன்றச்செயல்பாடுகள் அனைத்தும் தமிழில் இயங்கினால் தமிழில் அனைத்து வசதிகளும் கணிப்பொறியிலும் இணையத்திலும் வந்துவிடும்.தமிழக வணிகர்கள் தங்கள் நாட்டிற்குள் தகவல் பரிமாற்றத்திற்கு இன்னும் ஆங்கிலத்தைக்கட்டி அழுகின்றனர்.இணையத்தை அதிகம்பேர் பயன்படுத்துகின்றனர் என்பதால் முன்னணி இதழ்கள் பலவும் ஒருங்குகுறிக்கு மாறிவிட்டன.இணையப்பல்கலைக்கழகம் உள்ளிட்ட நிறுவனங்கள் இன்னும் ஒருங்ககுகுறிக்கு மாறாமல் உள்ளது வியப்பாக உள்ளது.

இருக்கும் இடங்களை வைத்துக்கொண்டு ஒருங்குகுறியில் எழுதுவதுதான் இன்றைய தேவையாகும்.தமிழுக்கு அதிக இடம் தருவதில் தயக்கம் காட்டும் ஒருங்குகுறி மேலாண்மையகம் (கன்சார்டியம்) தமிழ்ப்பயன்பாடு அதிகரித்தால் தானே இடம்கொடுக்கும்.தமிழக அரசின் மடல்கள் அனைத்தும் தமிழ் ஒருங்குகுறியில்தான் அனுப்பவேண்டும் என ஓர் ஆணையிட்டால் தமிழகம் முழுவதும் தமிழ் ஒருங்குகுறி பயன்பாட்டிற்கு வந்துவிடும்.இருக்கும் இடத்தை வைத்துக்கொண்டு தமிழ்ப்படைப்புகள் இன்று உலகில் வலம் வருகிறது.

திரைப்படச் சீட்டுப்பதிவு, பேருந்துச் சீட்டுப்பதிவு,தொடர்வண்டிச் சீட்டுப் பதிவு என அனைத்திலும் தமிழ்ப்பயன்பாடு வரின் கணிப்பொறியில் எழுத்துச் சிக்கல் ஒரு காரணமே இல்லை.இன்னும் அறியாமையால் சில இதழ்களும்,நிறுவனங்களும் ஒருங்குகுறியில் எழுதாமல் உள்ளது அவர்களுக்கு இழப்பே தவிர தமிழுக்கு இல்லை.தொழில் நுட்பச்சிக்கல்களைத்ததீர்ப்பது கணிப்பொறிப்பொறியாளர்களின் வேலையாகும் பயன்படுத்துவது தமிழர்களின் கடமையாகும்.உலக்கதமிழர்கள் ஒருங்கு குறியில் எழுதி உலகை வலம் வருகின்றனர்.அவர்களைப் பின்பற்றி இணையத்தமிழ் வளர்ப்போம்...

-முனைவர் மு. இளங்கோவன்

இன்றைய தமிழ்ஓசை இதழில் வெளியான கட்டுரை...

பதிவில் இடம்பெறும் படங்கள் இனி திரட்டி.காம் முகப்பில் II

2008-05-22T23:13:00.000-07:00

வணக்கம்!

சோதனை அடிப்படையில் இயங்கி வந்த பதிவுப்படங்களை திரட்டி.காம் தளத்தின் முகப்பில் காட்டும் சேவை இன்று முதல் முழு வடிவமாக வருகிறது.
மேலும் இதன் சேவையின் அடுத்த கட்டமாக அதே அளவில் இனி விழியத்தையும் காட்டும் முயற்சியில் உள்ளது விரைவில் அறிவிப்பை வெளியிடுகிறேன்.

இது குறித்து எனது முந்தைய பதிப்பு
பதிவில் இடம்பெறும் படங்கள் இனி திரட்டி.காம் முகப்பில்

For Live Demo click hear

நன்றிகளுடன்
வெங்கடேஷ்

பதிவில் இடம்பெறும் படங்கள் இனி திரட்டி.காம் முகப்பில்

2008-05-22T02:25:00.000-07:00

வணக்கம்

திரட்டி.காம் தளத்தின் மேலும் ஒரு புதிய வசதியாக பதிவரின் பதிவில் இடம்பெற்றுள்ள புகைப்படத்தினை திரட்டி.காம் தளத்தில் முகப்பில் காணலாம்.

உதாரனத்திற்கு PIT போட்டிக்கு ஒரு பதிவர் படத்தை இனைத்து பதிவை எழுதினால் தலைப்பு பதிவின் முதல் 15 வார்த்தைகளையும் சேர்த்து அந்த பதிவில் இடம்பெற்றுள்ள முதல் படத்தின் நகலையும் காட்டும்.

இந்த வசதியை சோதனை அடிப்படையில் தான் வெளியிட்டுள்ளேன். விரையில் இது அனைத்து பதிவுகளின் படங்களையும் திரட்டும் வண்ணம் மறுவெளியீடு செய்யப்படும்.

உங்களுடைய கருத்து மற்றும் ஆலோசனைகள் வரவேற்கப்படுகின்றன.

நன்றிகளுடன்
வெங்கடேஷ்

செய்தியோடை அறிமுகம். - திரட்டி.காம்

2008-05-07T07:22:00.000-07:00

வணக்கம்.

1) இன்று புது அறிவிப்பாக திரட்டி தளத்தின் செய்தியோடையை அறிமுகப்படுத்துகிறோம் இதில் அன்மையில் திரட்டி.காம் தளத்தால் திரட்டப்பட்ட 20 பதிவுகளை காணலாம் Google Reader மற்றும் பிற மென்பொருட்களை பயன்படுத்துவோர் http://www.thiratti.com/rss.php என்ற முகவரியில் செய்தியோடையை பெறலாம்.

2) மேலும் முகப்பு பக்கத்தில் அதிக பதிவுகளை காட்டும் விதமாக வலது பக்கத்தில் ”முந்தைய பதிவுகள்” தலைப்பின் கீழ் மேலும் 20 பதிவுகளை இணைத்துள்ளோம் இதன் மூலம் முகப்பு பக்கத்தில் மொத்தம் 50 பதிவுகளை காணலாம் அதாவது இன்றைய குறைந்த பட்சம் 6 மணி நேர பதிவுகளை காணலாம்.

மேலும் பல அறிவிப்புகளை விரைவில் வெளியிடுகிறேன்

நன்றி!!

புதிய பகுதிகள் அறிமுகம். - திரட்டி.காம்

2008-05-03T22:26:00.000-07:00

வணக்கம்

திரட்டி.காம் தளத்தின் கட்டுமானத்தில் அடுத்த கட்டமாக பல புதிய பகுதிகளை அறிவிப்பதில் பெருமகிழ்ச்சி அடைகிறோம்.

ஆம் பலராலும் விரும்பிபடிக்கபடுகிற துறை சார்ந்த பதிவுகளின் தொகுப்புகளை இப்போது திரட்டி.காம் தளத்தில் வலது பக்கத்தில் காணலாம்.

அறிமுகப்படுத்தப்பட்டுள்ள பகுதிகள்

1) பங்கு சந்தை செய்திகள்
2) புதுவை செய்திகள்
3) சினிமா செய்திகள்
4) சமையல் குறிப்பு மற்றும் தொடர்புடைய இடுகைகள்
5) கிரிக்கெட் தொடர்புடைய இடுகைகள்
6) தமிழில் புகைப்படக்கலை பதிவுகள் மற்றும் அறிவிப்புகள்

மேலும் பல புதிய பகுதிகள் ஆலோசனையில் உள்ளது.

திரட்டி.காம் தளத்தை மேம்படுத்த உங்களுடைய கருத்துகளும் ஆலோசனைகளும் வரவேற்கப்படுகிறது.

நன்றி!!

நாளை முதல் திரட்டி.காம் புதுப்பொலிவுடன்

2008-04-12T02:34:00.000-07:00

சித்திரை ஒன்று முதல் திரட்டி மற்றும் தமிழ்ப்பதிவுகள் 1800 வலைப்பதிவுளுடன் புதுப்பொலிவுடன் புதிய தொழில்நுட்பத்துடன் தானியங்கி முறையில் தமிழின் சிறந்த திரட்டியாக அடியெடுத்த வைக்கிறது. உங்களின் மேலான ஆதரவை எதிர்பார்க்கும்.

வெங்கடேஷ் மற்றும் தமிழா முகுந்த்.

திரட்டி.காம் - வலைப்பதிவு திரட்டி

2008-04-01T21:07:00.000-07:00

வணக்கம்

தமிழ் பதிவுகளை திரட்ட பல திரட்டிகள் இருந்தாலும் பலரும் பயன்படுத்தும் வகையில் தானியங்கி முறையில் ஒரு திரட்டியை வடிவமைக்க வேண்டும் என்ற ஆவல் காரணமாக ஒரு திரட்டியை உருவாக்கினேன் அது தான் திரட்டி.காம். இந்த தளம் டிசம்பர் மாதம் 9ஆம் தேதி அதாவது புதுவை வலைப்பதிவர் பயிற்சிப் பட்டரை நடந்த அன்று முதல் செயல்படத்துவங்கி வெற்றிகரமாக நடந்து வருகிறது இந்த குருகிய காலத்தில் 1000 பதிவுகளை கடந்து வெற்றிநடை போடுகிறது. மேலும் வல வடிவ மற்றும் தொழில்நுட்ப மாற்றங்கள் கண்டு மேலும் வலுவுடன் செயல்படுகிறது.

இனி திரட்டி.காம் தளத்தின் அறிவிப்புகளை இந்த வலைப்பதிவில் காணலாம்.

இப்படிக்கு
வெங்கடேஷ்